هل مملت من البحث عن وصفات للعشاء؟ إليك 5 وصفات سهلة وسريعة للعشاء، حضري لعائلتك أشهى الاطباق و بمكونات متوفرة في كل بيت .
5 وصفات للعشاء
1.غراتان بطاطا
المكونات :
- 1 كيلو بطاطا
- حبة بصل متوسطة تكون مفرومة
- ملعقة كبيرة زبدة
- 2 ملعقة كبيرة زيت
- فلفل أسود
- 3 حبات بيض
- نصف كوب كريمة الطبخ
- نصف كوب حليب
- جبن مبشور
طريقة التحضير :
- نسلق البطاطا في الماء والملح في قدرة على النار حتى تنضج البطاطا، بعدها نصفيها و نتركها جانبآ،من جهة أخرى نضع المقلاة فوق النار و نضيف عليه الزيت بعد ما يسخن نضيف البصل المفروم ونقليه جيدآ حتى يذبل،ثم نضيف البطاطا ونقلي كل المكونات جيدآ حتى ينضج ثم نطفئ عليها النار.
- في وعاء صغير نضع البيض والكريمة والحليب ونخلطهم جيدآ،بعدها نضيف الجبن ورشة فلفل اسود مع رشة ملح والنخلط الكل نصب الخليط في القالب مدهون مسبقا بالزبدة ثم نضع على الوجه الجبن المبشور وندخله الفرن حتى يتحمر الوجه، نخرج القالب من الفرن نتركه حتى يبرد ويقدم.
2. شكشوكة بسيطة و سريعة التحضير
المكونات:
- حبه طماطم كبيرة مقطعة إلى شرائح.
- حبه فلفل حلو مقطعة.
- حبه فلفل حار مقطعة.
- 6 مغارف كبيرة زيت.
- 4 بيض.
- ملح.
- نص مغرف ( راس لحانوت).
- نص ملعقة فلفل احمر.
- ملعقة صغيرة طماطم مصبرة (طماطم علبة).
- فص ثوم مبروش.
- نص ملعقة هريسة حسب الرغبة.
طريقة التحضير:
- في المقلة نضغ الزيت ونقلي طماطم مقطعة والفلفل الحلو والحار والثوم على نار متوسطة.
- نضيف الهريسة و ملعقة من الطماطم المعلبة مع توابل ونخلط مليح.
- من بعد نحكم صحن صغير ندير فيه البيض ونخلطوه، نضيف البيض على الخليط لي في المقلة ونحرك حتى يطيب البيض.
3. مقارونة بنينة وسهلة
المكونات :
- كأس مقارون.
- الماء.
- مغرف صغيرة ملح.
- نص بصل صغيرة.
- نص حبه طماطم.
- 3 مغارف زيت.
- ملح.
- فص ثوم مبروش.
- مغرف صغيرة طماطم معلبة.
- نص ملعقة صغيرة لكل من توابل (راس الحانوت، فلفل احمر).
- نصف كأس حليب.
- كمية من الجبن المبروش.
طريقة التحضير :
نحط كسرونة فيها الماء والملح على النار حتى تغلي ،نضيف المقارونة ونخلط حتى يتضاعف حجمها وتولي طرية، نصفيوها من الماء نتاععا ونديرولها ما بارد ونخليها على جنب.
طريقة تحضير الصلصة ،نضع في المقلاة الزيت والبصل مع الثوم والتوابل والملح والطماطم المعلبة على نار متوسطة ونقليها مع التحريك.
بعدها نضيف الطماطم المسكرفجة ونخلطوهم ، نضيف الحليب والجبن المبروش ونخلط الصلصة مليح و من بعد نضيف المقارونة ونخلط.
4. شطيطحة دجاج (مرقة حمراء)
المكونات:
- نصف صدر دجاج
- 4 حبات بطاطا
- رأس فلفل حار
- 2 حبات طماطم طازجة
- ثوم مبشور (06 فصوص)
- حبة بصل كبيرة
- توابل
- ملح
- زيت
طريقة التحضير :
- في مقلاة عميقة ضعي البصل مسكرفج وغطيه وقلبيه مرة على مرة حتى يأخذ لون ذهبي ضعي الطماطم والثوم والزيت ومغرف الطماطم المصبرة والملح ثم ضعي الدجاج المقطع على شكل أصابع طويلة.
- اترك الدجاج ينضج على نار ضعيفة.
- من جهة أخرى قومي بتقطيع البطاطا على شكل أصابع غليظة واقليها في الزيت.
- نضيف البطاطا المقلية للدجاج يمكن اضافة الجبن (ليس ضروري) نضيف الليمون ورشة معندوس.
5. عجيجات شفلور
المكونات :
- شفلور
- 2 حبات بطاطا
- رند
- حبة بصل مبشورة
- فص ثوم مبشور
- فلفل أسود
- زنجبيل
- معدنوس
- حبة بيض
- 4 ملاعق فرينة
طريقة التحضير :
- نغلي الشفلور مع حبتي البطاطا مع ورقة رند و ملح حتى ينضج.
- نصفيهم من الماء و نهرس الشفلور مع البطاطا ونضيف إليهم حبة بصل مبشورة ،فص ثوم،فلفل أسود، زنجبيل ، معدنوس ، حبة بيض و أربع ملاعق فرينة و نشكلهم كريات و نرمدهم في الفرينة ونقليهم .
هذه هي افضل 5 افكار لوصفات العشاء ، ارجو ان تنال اعجابكم لا تنسو مشاركة هذه الوصفات مع احبابكم .